Quemadmodum desiderat cervus ad fontes aquarum,
ita desiderat anima mea ad te, Deum.
Sitivit anima mea ad te, Deum, fontem vivum:
quando veniam et apparebo ante faciem tuam?
O fons vitæ, vena aquarum viventium,
Quando eniam ad aquas dulcedinis tuæ?
Sitio, Domine, fons vitæ es, satia me!
Sitio Deum vivum.
O quando veniam et apparebo, Domine, ante faciem tuam?
Putas me, videbo diem illam jucunditatis et lætitiæ, diem,
quam fecit Dominus, exsultemus et lætemur in ea.
Ubi est certa securitas, secura tranquillitas, et tranquilla jucunditas,
jucunda felicitas, felix æternitas,
æterna beatitudo et beata Trinitas, et Trinitatis Unitas,
et Unitatis Deitas, et Deitatis beata visio, quod est gaudium Domini tui.
O gaudium super gaudium, vinces omne gaudium.